Maties Hokkie het weer sy hokkie-aanbod uitgebrei deur ‘n derde astroturf by hul fasiliteit te voeg en atlete amptelik in Augustus vanjaar na hul fasiliteite uitgenooi. Hierdie astroturf het ‘n werklikheid geword, danksy die waardevolle vennootskap tussen die Universiteit Stellenbosch (US) en Paul Roos Gimnasium (PRG). Dit is amptelik op 12 Februarie 2024 gelê en konstruksie het ses maande geduur.
Die nuwe astroturf is langs die huidige Maties-hokkievelde geleë en PRG en die US wil hiermee hul hokkie-aanbod verder uitbrei.
Maties Hokkie se sportbestuurder, Anche Nortje het haar opgewondenheid uitgespreek om nog ‘n astroturf by hul reeds besige fasiliteit te voeg. “Ons is trots daarop om die enigste universiteit in Suid-Afrika te wees met drie watergebaseerde astroturfs, ‘n belangrike mylpaal wat ons nader bring om ‘n wêreldklas fasiliteit te word. Die majestueuse agtergrond van die Stellenbosch berge, gekombineer met ons drie astroturfs, maak ons fasiliteit ‘n bestemming wat die beste internasionale spanne na ons sal lok.
“Die nuwe astroturf is moontlik gemaak deur ons samewerking met PRG, waarvoor ons innig dankbaar is. Maties Hokkie sien uit daarna om ons vennootskap met PRG te versterk en voort te bou op ons uitstekende verhouding,” het Nortje gesê.
Ilhaam Groenewald, hoofdirekteur van Maties Sport, het haar gedagtes oor die jongste toevoeging tot Maties Sport se wêreldklasfasiliteite gedeel: “Maties Sport en Maties Hokkie is verheug om die vergroting van ons hokkiefasiliteite te sien deur die suksesvolle samewerking tussen die Universiteit Stellenbosch en Paul Roos Gimnasium. Die toevoeging van ‘n derde astroturf verbeter nie net ons vermoë om nasionale en internasionale byeenkomste aan te bied nie, maar beklemtoon ook ons verbintenis tot uitnemendheid in sport. Hierdie mylpaal verteenwoordig die sterkte van ons vennootskappe en die gedeelde visie vir die ontwikkeling van talent in ons gemeenskap.”
Hierdie samewerkingspoging weerspieël die gedeelde verbintenis van beide instellings om uitnemendheid in hokkie te bevorder en uitsonderlike geleenthede vir ons atlete te bied. “Die Universiteit Stellenbosch het van die begin af waardevolle vennootskappe met merkwaardige organisasies en mense opgebou – verhoudings wat geleenthede geskep het wat andersins nie beskikbaar sou wees as ons dit alleen sou doen nie,” het prof Stan du Plessis, Uitvoerende Bedryfshoof van die US, gesê.
“Paul Roos Gimnasium is net soos die UK ‘n ankerinstelling en waardevolle burger van hierdie pragtige dorpie Stellenbosch. Oor die jare het ons gekoesterde verhouding met PRG net sterker geword, en nou kan ons weer ‘n wedersyds voordelige projek saam vier – naamlik, dié van ‘n derde hokkie-astroturf, wat ons hokkie-aanbod vergroot en meer aantreklik maak.”
PRG se rektor, Andre van Staden, het ook dieselfde sentimente voor die amptelike opening en die belangrikheid daarvan vir groei al die belanghebbendes se hokkieprogramme weerspieël en gesê: “Ons is trots op ons vennootskap met die US wat gelei het tot hierdie merkwaardige fasiliteit wat ons glo sal bydra tot die groei van uitnemendheid in hokkie vir beide vennote.”
Die amptelike opening vind plaas op:
Datum: Maandag, 7 Oktober 2024
Tyd: 17:45 vir 18:00
Plek: Maties Hokkie astroturf
Vir navrae oor die amptelike opening of vir astroturf-besprekings, kontak gerus vir Anche Nortje op 0218084681 of stuur ‘n epos aan haar by anche@sun.ac.za
By Kimara Singh
Foto krediete: Turftech