Maties het Universiteitsport Suid-Afrika (USSA) se jaarlikse swemkampioenskap in Stellenbosch aangebied, waar topstudenteswemmers van reg oor die land bymekaargekom het vir twee dae se intense mededinging, persoonlike beste prestasies, en onvergeetlike wenstreepoomblikke in Maties se buiteswembad. Die atmosfeer was elektries en ons Maties-swemmers het uitstekend gevaar om ’n algehele tweede plek te behaal.
Maties het op indrukwekkende wyse weggespring en het teen die einde van die eerste dag algeheel tweede gelê met ’n gekombineerde telling van 583 punte. Aanhangers, gesinslede en spanmaats langs die swembad het elke deelnemer aangemoedig.
Die plaaslike swemmers het bestendig en bedaard gebly met die verloop van die kompetisie en uitgeblink in aflosse én individuele items. Die momentum het hul deurgedra na die finale sessie, en aan die einde van die kompetisie is Maties as die algehele silwermedaljewenner van die USSA Swemkampioenskap gekroon.
Baie geluk met hierdie welverdiende prestasie en baie dankie aan elke Maties-swemmer, -afrigter, -vrywilliger en -ondersteuner wat die Stellenbosch-son getrotseer het.
By Jamie Wyngaardt