Groot gemaak deur ’n enkelpa en ’n storie so diep dat dit teruggaan na ’n herinnering as kleuter is presies hoe Ashley Smith sy pad op die atletiekbaan beplan het.
Smith, gebore en getoë in Mitchell’s Plain, is deur sy pa grootgemaak terwyl hy sy skoolloopbaan by Imperial Primêr voltooi het voordat hy aan die Wes-Kaap Sportskool in Kuilsrivier gematrikuleer het.
Die ondersteuning wat Smith van sy pa gekry het, het sy loopbaan aangedryf. ’n Trajek wat hom gelei het om aan twee van Suid-Afrika se top-universiteite sowel as aan ’n beroepskollege in Bellville te gradueer.
“Ná skool het ek by Northlink gestudeer en ongeveer twee jaar in Amerika op ’n lopende beurs by California Baptist University deurgebring, voordat ek in 2018 teruggekeer het huis toe om my BA-graad te doen. My voorgraadse hoofvakke was politieke studies en geskiedenis by Universiteit van Wes-Kaapland (UWK) en dan my Honneurs in Geskiedenis aan Stellenbosch Universiteit,” het Smith gesê.
Na ’n suksesvolle akademiese loopbaan, fokus die 26-jarige Smith nou heeltemal op sy atletiekloopbaan, terwyl hy nie die moontlikheid om later ’n terugkeer na die boeke te maak uitskakel nie. As hy terugdink oor waar dit alles vir hom begin het, besef hy hoe baie hy nog altyd atletiek geniet het.
“Vanjaar is ek dankbaar dat ek ’n kinderdroom kan uitleef en voltyds kan hardloop, ek kan dalk in die toekoms terugkeer na studies, maar nou wil ek myself net die beste moontlike kans gee vir ’n loopbaan in atletiek.
“Vir my was atletiek nog net altyd daar. My eerste hardloop herinnering was in die crèche en dan ook net om kinders in die straat te jaag. Ek is veelsydig en kan enigiets van 800 meter tot 21 km hardloop. My gunsteling en suksesvolste nommer is egter die 3 000-meter hindernis waarin ek drie nasionale en drie USSA-titels het.”
Die pad wat die USSA-kampioen gevolg het, is een wat hom in staat stel om sy talent en vermoëns ten volle in sy atletiek uit te druk en te verdiep. Hy spandeer ure aan voorbereiding, bestee sy vrye tyd om te herstel en sy energie te herwin vir nog oefensessies en byeenkomste. Smith het ’n pad gestap waaruit baie kan leer – drie kwalifikasies en ses erkende 3000-meter hindernis-titels later – het die kind van Mitchell’s Plain die regte formule gevind.
“Al wat ek tans doen, is eet, slaap en hardloop,” het Smith oor sy daaglikse roetine gesê.
“Maar toe ek ’n student was, was dit baie om te bestuur met klas en tot drie oefensessies per dag. Sport is nie vir ewig nie. Ons doen sport eintlik net vir ’n goeie tyd en nie vir ’n lang tyd nie. Dit is dus belangrik om iets agter jou naam te hê omdat sukses in sport nie gewaarborg is nie. Beserings kan enige tyd gebeur, maar dit behoort nie ’n mens terug te hou om jouself die beste moontlike kans te gee nie.
“Ek is waar ek is danksy geleenthede, so hopelik kan ek eendag genoeg bereik om ander ook die geleentheid te gee waarmee ek geseën is. Ek is meeste van die tyd moeg, want ek hardloop tussen 170-180 km per week wat baie uit my liggaam vat, so in my vrye tyd slaap ek eerder, speel Xbox, of lees.”
