In die wêreld van professionele sport loop baie die geleenthede mis wat hul loopbaan kan begin en dikwels kom hierdie kanse nie ’n tweede keer nie. Vir voorgraadse BSc Rekenaarwetenskap-student Ethan Cunningham, het die geleentheid gekom en hy het dit met albei hande aangegryp. Cunningham het onlangs sy eerste professionele kontrak met die WP Blitz-krieketspan gesluit.
Cunningham is die jongste van drie kinders wat in Noordhoek grootgeword het nadat die gesin uit Zimbabwe na Kaapstad verhuis het. Hy het Sun Valley Primêr bygewoon en soos Cunningham verduidelik, was dit die geen-huiswerk-beleid van sy laerskool alma mater wat sy liefde vir sport aangevuur het en hom die geleentheid gegee het om elke sportsoort ’n probeerslag te gee, maar dit was krieket wat Ethan se toewyding gehad het.
“Sun Valley Primêr is in die diep suide naby Vishoek geleë. Ek was mal oor enige soort balsport vandat ek kan onthou. Ek het krieket begin speel toe ek vier was. Ek was nog altyd lief vir sport en het probeer om soveel as moontlik te speel, veral gedurende my laerskooljare waar ek die geleentheid gehad het met ’n geen-huiswerk-beleid om soveel sporte as wat ek kon uit te probeer. Op laerskool het ek krieket, rugby, hokkie, swem, tennis, muurbal en atletiek aangepak, maar my gunstelinge is krieket en rugby en vandag geniet ek ook sosiale gholf en muurbal.”
Cunningham se affiliasie met krieket het die middelpunt geword toe hy die hoërskool wêreld betree het. Hy was ’n leerder by Rondebosch seunskool. Dit was hier waar Cunningham, wat verlede jaar gematrikuleer het, deur sy liefde vir sport gesif en sy visier op krieket gerig het.
“Dit was natuurlik anders as my laerskool-jare, maar ek het elke oomblik by Rondebosch geniet. Dit was hier waar ek my liefde vir die spel besef het. Ek kon egter steeds op akademie en krieket fokus, want albei is vir my baie belangrik.”
Die Cunningham-gesin het ’n ondersteunende en hegte gesinsomgewing geskep. En soos enige ouer het Cunningham se ouers hom ondersteun. Dit is hierdie ondersteuning wat Ethan in staat gestel het om verskeie toekennings en prestasies die afgelope paar jaar behaal. Meer onlangs het hy Suid-Afrika by die 2022 o.19 Wêreldbeker verteenwoordig.
“My ouers het ’n groot impak op my sport- en akademiese loopbaan. My ma het ontelbare ure spandeer om my rond te ry vir oefensessies en wedstryde. My pa se deel was inspirerende gesprekke en bekendstelling aan boeke soos Legacy of Extreme Ownership. My ouers het my gehelp, geïnspireer en gemotiveer om op my reis. My ouers het my op verskillende maniere oor die jare geïnspireer. Van hul leefwyse tot die blootstelling aan nuwe ervarings. Hulle het my ook altyd aangemoedig om buite my gemaksone te leef.”
Vir Cunningham was dit ’n groot eer om by Maties Sport se Hoëprestasie-krieketprogram en -span aan te sluit.
Die regterhandkolwer voel tuis in ’n WP-groep wat ’n groot hoeveelheid Proteas soos George Linde, Kyle Verreynne, Beuran Hendricks en Wayne Parnell insluit.
In ’n onlangse onderhoud wat in die Krieket Fanatici tydskrif gepubliseer is, het die WP Blitz se hoofafrigter, Salieg Nackerdien die talentvolle Cunningham lof toegeswaai en sy opgewondenheid uitgespreek om saam met die Maties Krieketklub se sterkolwer te werk.
“Ethan is ’n jong, opkomende en veelsydige speler. Hy is ’n tuisgekweekte talent en ons wil sien dat hy groei en in die toekoms ’n aanwins vir die WP word,” het Nackerdien gesê.
Cunningham verstaan die eer en bevoorregte posisie waarin hy hom bevind, al voel dit steeds vir hom soos ’n droom. Gegewe die hoeveelheid talentvolle en senior spelers wat hy nou spanmaats noem, besef hy dat hy nou ook die geleentheid het om by hulle te leer.
“Om eerlik te wees, dit voel nogal onwerklik en moet nog behoorlik insink. Dit is egter ’n opwindende geleentheid veral om te kan leer by sulke ongelooflike en ervare spelers wat al op die hoogste vlak gespeel het. Dit is ’n groot eer en ek weet dit gaan ’n goeie uitdaging wees,” sê Cunningham.