Wat het jy studeer?
BSc Hon in sportprestasie.
Waarom het jy gekies om dit te studeer?
Ek het grootgeword om sport te geniet en daaraan deel te neem tydens my skoolloopbaan. Terwyl ek verder studeer het, het ek gevind dat ek met sport in ’n unieke ruimte werk. Hier kan die genot daarvan om betrokke te wees by beide sport- en mense-ontwikkeling oorvleuel.
Met watter spanne en studente-atlete/atlete werk jy tans?
Die Maties-basketbalspanne (mans en vroue) en die Paralimpiese atleet Zanele Situ.
Wat is die beste deel van jou werk?
Ek geniet die uiteenlopende persone met wie ek die voorreg het om mee te werk. Ons werk binne ’n universiteitsomgewing met baie verskillende studente-atlete. Ek geniet dit om studente-atlete te sien groei deur sport. Veral om atlete aan die begin van ’n seisoen te sien, deur die seisoen saam met hulle te stap en te sien hoe hulle aan die einde van die seisoen as mense ontwikkel het. Veral as hulle meer bereik het as wat hulle voorheen kon.
Wat is die moeilikste deel van jou werk?
Ondanks die feit dat sport vir die grootste deel baie lonend is, is daar ’n kant van sport wat ietwat onvergewensgesind is en buite jou beheer is. Ek het al gesien hoe atlete/spanne ywerig voorberei, hard werk en planne goed uitvoer, maar tog nie hul doelwitte bereik nie weens onbeheerbare aspekte soos beserings. Soms kan dit ’n uitdagende ruimte wees.
Jy was ’n intern by die Maties Sport Hoë Prestasie-eenheid nadat jy met jou honneursgraad gegradueer het. Hoe het die internskap jou voorberei op die werk wat jy nou doen?
Na my graad het ek gevind dat ek goeie teoretiese kennis het, maar tog het ek nie praktiese ervaring gehad om binne ons veld te werk nie. Deur my internskapjare het ek verskillende geleenthede gekry om praktiese ervaring in verskeie HP-sportkodes op te doen. Die ervaring wat ek gedurende hierdie jare opgedoen het, was die boustene vir waar ek my nou bevind. Sommige take behels die gebruik van verskillende stukke tegnologie binne verskillende sportkodes. Daar is ook die toepassing van die grondbeginsels van krag en kondisionering en mensevaardighede om binne ’n geïntegreerde medisyne- en wetenskapspan te werk.
Met die rol van krag- en kondisioneringsafrigter is jy ’n vrou in ’n histories man gedomineerde industrie, het jy enige raad vir ander wat die loopbaan wil volg?
Om in dié ruimte wees het my geleer van die ongelooflike bydrae wat elke individu kan maak. Ek herinner myself gereeld daaraan dat hierdie unieke verskille iets is wat gevier moet word. Ek het gevind dat dit belangrik is om getrou te bly aan my waardes en standvastig in wie ek is.